(ஐ.எல்.எம்.நாஸிம், எம்.என்.எம். அப்ராஸ், அபு ஹின்சா )
கடந்த மூன்று வாரங்களாக தனிமைப்படுத்தல் பிரதேசமாக அறிவிக்கப்பட்டிருந்த அக்கரைப்பற்று பொலிஸ் பிரிவில் வசிக்கும் ஊடகவியலாளர்களின் நலன் கருதி சிலோன் மீடியா போரத்தினால் உலர் உணவுப் பொதிகள் வழங்கும் நிகழ்வு இன்று (17) வியாழக்கிழமை மாலை அட்டாளைச்சேனை பிரதேச செயலகத்தில் நடைபெற்றது.
சிலோன் மீடியா போரத்தின் தலைவர் கலாநிதி றியாத் ஏ மஜீத் தலைமையில் இடம்பெற்ற இந்நிகழ்வில் அட்டாளைச்சேனை பிரதேச செயலாளர் ஜே.லியாகத் அலி, உதவிப் பிரதேச செயலாளர் எம்.ஏ.சி.நஸீல், சிலோன் மீடியா போரத்தின் பொதுச்செயலாளர் ஏ.எஸ்.எம். முஜாஹித், பொருளாளர் யூ.எல்.என். ஹுதா, பிரதித்தலைவர் எஸ். அஸ்ரஃப்கான், உள்ளிட்ட செயற்குழு உறுப்பினர்களான என்.எம்.அப்றாஸ், சஹீர் அஹமட் என பலரும் கலந்து கொண்டனர்.
இதன் போது தனிமைப்படுத்தல் பிரதேசமாக அறிவிக்கப்பட்டிருந்த அக்கறைப்பற்று, ஆலையடிவேம்பு, அட்டாளைச்சேனை, பாலமுனை, ஒலுவில் பிரதேச 42 தமிழ், முஸ்லிம் ஊடகவியலாளர்களுக்கு உலர் உணவுப் பொதிகள் வழங்கி வைக்கப்பட்டன.
இந்நிவாரணப் பொதிகளுக்கான அனுசரணையினை கல்முனை, சாய்ந்தமருது பிரதேச தனவந்தர்கள் வழங்கியிருந்தமை குறிப்பிடத்தக்கது.

Post A Comment: